ဟီလာရီ ပြောသည့် ဒေါ်အောင်ဆန်းစုကြည်

ဟီလာရီ ပြောသည့် ဒေါ်အောင်ဆန်းစုကြည်
(HARD CHOICE)

(၂)

မြန်မာသည် အိန္ဒိယ တိုက်ငယ်နှင့် အရှေ့တောင်အာရှ မဲခေါင်မြစ်ဝှမ်းအကြားရှိ လူဦးရေ သန်း ၆၀ နည်းပါးခန့်ရှိသော နိုင်ငံတခု ဖြစ်ပေသည်။ တခါက “အာရှ၏ စပါးကျီ” ကြီးဟု ထင်ရှားခဲ့ဖူးသည်။

ရှေးဟောင်း ဘုရားပုထိုးများနှင့် စိမ်းလန်းသော ရှုခင်းများက ခရီးသွားများသာမက ရုယတ် ကစ်ပလင်းနှင့် ဂျော့ခ်ျ အောဝဲလ်ကဲ့သို့ သော စာရေးဆရာကြီးများ၏ စိတ်ကူးအာရုံကို ဆွဲဆောင်နိုင်ခဲ့သည်။

ဒုတိယကမ္ဘာစစ်အတွင်း ဂျပန်တပ်များနှင့် မဟာမိတ်တပ်များ အကြား တိုက်ပွဲများ ဖြစ်ပွားခဲ့ရာ စစ်မြေပြင်လည်း ဖြစ်ပေသည်။ စကားကို ခပ်ပြတ်ပြတ် ပြောတတ်သဖြင့်

“ရှလကာရည် ဂျိုး” ဟု အမည်တွင်ခဲ့သည့် ဗိုလ်ချုပ်ကြီး စစ်ဝဲလ်သည် တရုတ်နိုင်ငံအတွင်းသို့ ထောက်ပံ့ရေး လမ်းကြောင်းဖြစ်သော လွန်စွာ အရေးပါလှသည့် “Burma Road” ကို ပွင့်သွားအောင် တိုက်ယူနိုင်ခဲ့သည်။ ဒုတိယ ကမ္ဘာစစ်ကြီး အပြီးတွင်တော့ အောင်ဆန်းစုကြည်၏ ဖခင်သည် မြန်မာလွတ်လပ်ရေးကို အရယူပေးနိုင်ခဲ့သည်။

ဆယ်စုနှစ်ပေါင်းများစွာ စစ်အာဏာရှင် စနစ်နှင့် စီးပွားရေးတွင် စီမံခန့်ခွဲမှုအလွဲများကြောင့် နိုင်ငံသည် ချွတ်ခြုံကျလာကာ လူတောမတိုးသည့် ဘဝ သို့ရောက်သွားခဲ့ရသည်။ လက်ရှိတွင် မြန်မာသည် လူအခွင့်အရေး အချိုးဖောက်ဆုံး နိုင်ငံများစာရင်းတွင် ပါဝင်လျှက် ရှိနေသည်။

ထို့အတွက်လည်း အရှေ့တောင် အာရှ အလယ်ဗဟိုတွင် မတည်ငြိမ်မှု နှင့် ရန်လိုမှုများ ဖြစ်လာဖို့ အဓိက အကြောင်းရင်း ဖြစ်လာခဲ့သည်။ ထို့အပြင် မူးယစ်ဆေးဝါး ထုတ်လုပ်မှုများ ကြီးထွားလာနေခြင်းနှင့် မြောက်ကိုရီယားနှင့် စစ်ရေးဆက်ဆံမှုများ တိုးမြှင့် လုပ်ဆောင်လာနေခြင်းတို့ကြောင့် ကမ္ဘာလုံခြုံရေးကို ခြိမ်းခြောက်လာနေပြီ ဖြစ်သည်။

ကျမအတွက် ရန်ကုန်ခရီးစဉ် အစပျိုးနိုင်ရန်၂၀၀၉ ဇန်နဝါရီတွင် ကက်ပီတိုဟေးလ်၌ တွေ့ဆုံ ဆွေးနွေးမှုများ စတင် ပြုလုပ်ခဲ့ရသည်။ ကျမ သည် ဆီးနိတ်တွင် ရှစ်နှစ်ကြာတာဝန်ထမ်းဆောင်ခဲ့ပြီး ဖြစ်သဖြင့် မစ်ခ်ျ
မက်ကွန်းနယ် နှင့် လိုအပ်သည့် အတိုင်းအတာ အထိ ကောင်းစွာ သိကျွမ်းခဲ့ရပြီးလည်း ဖြစ်သည်။

သို့‌‌သော် ကျမ နှင့် သူသည် အကြောင်းအရာ အတော်များများအပေါ်သဘောထားချင်း တိုက်ဆိုင်ခဲလှသည်။ သူသည် ကင်တပ်ကီ ပြည်နယ်မှ ရှေးရိုးစွဲ အယူရှိသော ဆီးနိတ် ရီပတ်ဘလီကင် လူနည်းစု ‌ခေါင်းဆောင်လည်း ဖြစ်သည်။ ထို့အတွက် အိုဘာမား စီစဉ်ထားသမျှ ကို တခုမကျန် ကန့်ကွက်ရန်ကိုလည်း ပြောင်ကျကျပြောဆိုထားခဲ့ပြီး ဖြစ်သည်။

သူ၏ အဓိက ရည်ရွယ်ချက်သည် အိုဘာမား အား သက်တမ်းတခုထက် ပို၍ ရှိမနေ‌စေရန်ပင် ဖြစ်ပေသည်။ နိုင်ငံခြားရေး မူဝါဒ အပိုင်းတွင် သူ နှင့် တွဲလုပ်၍ ဖြစ်နိုင်မည့် အကြောင်းတခုက ရှိနေသည်။ ဆီနိတ်တာ မက်ကွန်းနယ်သည် ၁၉၈၈ သွေးထွက်သံယို နှိမ်နှင်းခြင်းခံခဲ့ရသည့် မြန်မာပြည်၏ ဒီမိုကရေစီ လှုပ်ရှားမှုကို ထိုအချိန်ကစ၍ စိတ်ရောကိုယ်ပါ ထောက်ခံနေသူ ဖြစ်သည်။

နှစ်ပေါင်းများစွာကတည်းက မြန်မာပြည်ရှိ စစ်အစိုးရအား စီးပွားရေး ပိတ်ဆို့ ဒဏ်ခတ်ရန် ဦးဆောင် လှုပ်ရှားလာခဲ့သူလည်း ဖြစ်သည်။ အောင်ဆန်းစုကြည် အပါအဝင် စစ်အစိုးရ ဆန့်ကျင်သူများနှင့် ဆက်ဆံမှုများ ရှိထားသူ ဖြစ်နေသည်။

ကျမ အဖို့ နိုင်ငံခြားရေး ဝန်ကြီး အဖြစ် တာဝန်ယူဖို့ ဖြစ်လာရချိန်က စပြီး မြန်မာပြည်ဆိုင်ရာ မူဝါဒကို ပြန်လည် သုံးသပ်သင့်ပြီဟု ယူဆထားခဲ့ပြီး ဖြစ်သည်။ ထိုကိစ္စကို ဆီနိတ်တာ မက်ကွန်းနယ် မှ သဘောတူနိုင်ပါ့
မလားဟုလည်း အတွေးဝင်မိခဲ့သည်။

၂၀၀၈ ခုနှစ်တွင် စစ်အုပ်ချုပ်ရေး အဖွဲ့က ဖွဲ့စည်းပုံအခြေခံ ဥပဒေအသစ်ကို ပြဠာန်းလာပြီး ၂၀၁၀ တွင် ရွေးကောက်ပွဲ ကျင်းပပေးမည်ဟု ကြေညာခဲ့ပြီ ဖြစ်သည်။ ရွေးကောက်ပွဲ ကျင်း
ပမည့် အနေအထားကို မည်သည့် လေ့လာစောင့်ကြည့်သူ တဦးတလေကမျှ အလေးအနက် သဘော မထားခဲ့ကြပြန်ပေ။

အောင်ဆန်းစုကြည်ကိုလည်း တားမြစ်ထားကြ‌ဆဲပင် ဖြစ်သည်။ ဗိုလ်ချုပ်ကြီးများက လွှတ်တော်တွင် စစ်ဖက်မှ အနည်းဆုံး နေရာ လေးပုံတပုံကို ရရှိထားရန် အာမခံနိုင်မည့် ဖွဲ့စည်းပုံ စည်းမျဉ်းများကို ရေးဆွဲထားကြပြီး ဖြစ်သည်။ တိုင်းပြည်ကို ဖိနှိပ်အုပ်ချုပ်နေသူများထံမှ ထိုသို့ အသင့်အတင့် လိုက်လျောမှုများ
ထွက်ပေါ်လာခြင်းကပင် စိတ်ဝင်စားဖို့ ကောင်းနေရပေသည်။

ယခင်ကလည်း မျှော်လင့်သလို ဖြစ်မလာခဲ့သည်များကလည်း ရှိနေခဲ့သည်။ ၁၉၉၅ တွင် စစ်အုပ်ချုပ်ရေး အဖွဲ့က အောင်ဆန်းစုကြည်အား ပြန်လွှတ်ပေးခဲ့သဖြင့် ထိုအချိန်က ကုလသမဂ္ဂ ဆိုင်ရာ အမေရိကန် သံအမတ်ကြီး မက်ဒဲလင်း အဲဘရိုက်သည် စစ်အစိုးရမှ ဖြေလျှော့မှုများ ပြုလုပ်ရန် အဆင်သင့် ရှိကောင်းရှိနေမည် ဆိုသည့် အတွေးဖြင့် ရန်ကုန်သို့ ပေါက်ချလာခဲ့သည်။

သူမနှင့်အတူ ဘီဂျင်းတွင် ကျင်းပခဲ့သော ကမ္ဘာအမျိုးသမီးများ ညီလာခံမှ ကျမ အပါအဝင် တက်ရောက်သူများ လက်မှတ်ရေးထိုးထားသော ပိုစတာ ကိုပါယူသွားခဲ့သည်။ ၁၉၉၆ တွင် ကျမသည် အိမ်နီးချင်း ထိုင်းနိုင်ငံသို့ ရောက်ရှိခဲ့စဉ်က ချင်းမိုင် တက္ကသိုလ်တွင် မိန့်ခွန်းပြောဖြစ်ခဲ့ရာ “အောင်ဆန်းစုကြည် နှင့် စစ်အုပ်ချုပ်ရေး အဖွဲ့အကြား အမှန်တကယ် အကျိုး ဖြစ်ထွန်းနိုင်မည့် ဆွေးနွေးပွဲများ စတင်ရန်” တောင်းဆိုခဲ့သည်။

ထိုသို့ ဖြစ်မလာဘဲ ဗိုလ်ချုပ်ကြီးများက သူမ၏ သွားလာမှု နှင့် နိုင်ငံရေး လှုပ်ရှားမှုများကို တင်းကျပ်စွာ ကန့်သတ် ခဲ့ကြပြန်သည်။ ဤသို့ဖြင့် ၂၀၀၀ ခုနှစ်တွင် သူမအား အကျယ်ချုပ် ပြန်လည် ထားရှိခဲ့ကြပြန်သည်။ ဘီလ်က သူမ၏ ရဲရင့်သော စိတ်ဓါတ်ကို ဂုဏ်ပြုသည့် အနေဖြင့် အမေရိကန် သမ္မတ၏ အရပ်သားများကို ပေးသည့် အမြင့်ဆုံး ဆုတံဆိပ်ဖြစ်သော Medal of Freedom ဆုကို ချီးမြှင့်ခဲ့သည်။

မျှော်လင့်ထားသလိုပင် သူမ ကိုယ်တိုင် လာရောက်လက်ခံရယူ နိုင်ခဲ့ခြင်း မရှိပေ။ ထိုကာလများက ထိတွေ့ ဆက်ဆံ ခဲ့မှုများက မအောင်မမြင် ဖြစ်ခဲ့ရသည်။ ၂၀၀၉ ခုနှစ်တွင်တော့ ကျမတို့ဖက်မှ ဖယ်ကျဉ်ထားမှု နှင့် စီးပွားရေး ဒဏ်ခတ်ခဲ့မှုများကြောင့် အခြေအနေများကောင်းလာရသည်ဟု ပြောရန် အလွန်ခက်ခဲသည့် အနေအထား ဖြစ်လာခဲ့ရသည်။ ကျမတို့ အခြားဘာများ လုပ်နိုင်စရာ ရှိသေးလဲဟုမေးခွန်းထုတ် လာခဲ့ရပြီ ဖြစ်သည်။

ကျမက မြန်မာပြည်အပေါ် ထားသည့် မူဝါဒကို အစမှ အဆုံး အသစ်တဖန် ပြန်လည်သုံးသပ်ကြည့်ချင်သည်ဟု ဆီနိတ်တာ မက်ကွန်းနယ်ကို ပြောပြခဲ့သည်။ သူကိုယ်တိုင်လည်း ပါဝင်လာလိမ့်မည်ဟု မျှော်လင့်ခဲ့၍ ဖြစ်သည်။ အစပိုင်းတော့ သံသယ ရှိပုံ ရသော်လည်း နောက်ဆုံးတွင် ထောက်ခံလာခဲ့သည်။

ဤသို့ဖြင့် မြန်မာပြည်အပေါ် မူဝါဒပိုင်း ပြန်လည်သုံးသပ်မှုကို ပါတီနှစ်ခု စလုံးက ထောက်ခံလာခဲ့ပြီ ဖြစ်သည်။ ဆီနိတ်တာ မက်ကွန်းနယ်က သူ၏ ရုံးခန်းနံရံတွင် မှန်ဘောင်သွင်းကာ ချိတ်ဆွဲထားသော ‌အောင်ဆန်းစုကြည်၏ စာကို ကျမအား ဂုဏ်ယူဝင့်ကြွားစွာ ပြခဲ့ပြန်သည်။

ကျမ အဖို့လည်း သူသည် မြန်မာအရေးအား သူ၏ ကိုယ်ရေး ကိုယ်တာ ကိစ္စတခု သဖွယ် အလေးထားနေသည်ကို သဘောပေါက်သွားခဲ့ရသည်။ ကျမကလည်း ရှေ့လျှောက် လုပ်သွားစရာ ရှိသည်များကို သူ့အား အမြဲလို အသိပေး တိုင်ပင်သွားပါမည်ဟု ကတိပေးခဲ့သည်။

ပုံတွင် ဒေါ်အောင်ဆန်းစုကြည်အား မက်ကွန်းနယ်နှင့် အတူ တွေ့ရစဉ်

သူ့အပြင် နောက်ထပ် ဆီနိတ်တာ တယောက်ကို ကျမတွေ့ဖို့ လိုနေပြန်သေးသည်။ ထိုသူသည် သမ္မတ ရီဂင် လက်ထက်တွင် ရေတပ်ဝန်ကြီး အဖြစ် အမှုထမ်းခဲ့သော ဂျင်ဝက်ဘ်ဆိုသူပင် ဖြစ်သည်။ ဆုတံဆိပ်များ ရရှိထားသော ဗီယက်နမ်စစ်ပြန် တဦးလည်း ဖြစ်သည်။

ယခုအခါ သူသည် ‌ဗာဂျီနီယား ပြည်နယ် ကိုယ်စားပြု ဒီမိုကရက် အထက်လွှတ်တော် အမတ်တဦး ဖြစ်လာပြီး ဆီးနိတ်၏ အရှေ့အာရှ နှင့် ပစိဖိတ်ရေးရာ နိုင်ငံခြားရေးရာ ဆပ်ကော်မတီ ဥက္ကဌ လည်းဖြစ်နေသည်။

သူသည် တက်ကြွပြီး သမားရိုးကျ အတွေးအခေါ်များ စွဲကိုင်ထားသူ မဟုတ်သည့်အပြင် အရှေ့တောင်အာရှ နှင့် ပတ်သက်၍ စူးရှသော အမြင်ရှိသူ တဦး ဖြစ်သည်။ သူက မြန်မာပြည်အား အနောက်တိုင်းမှ ဒဏ်ခတ်ပိတ်ဆို့ထားမှုမှာ အောင်မြင်ခဲ့သော်လည်း စစ်အုပ်ချုပ်ရေး အဖွဲ့သည် အတင်းကုပ်ကပ်ဖက်တွယ်လာနေပြီး မည်သူ့ကိုမျှလည်း အယုံအကြည်မရှိ ဖြစ်လာနေပြီဟု ကျမကို ပြောပြခဲ့သည်။

ထိုအနေအထားကြောင့် တရုတ်အား စီးပွားရေး နှင့် နိုင်ငံရေး ဖက်တွင် ဩဇာလွှမ်းမိုးနိုင်‌အောင် မရည်ရွယ်ဘဲ အခွင့်အရေး ပေးသလို ဖြစ်နေမည်ကို စိုးရိမ်နေကြောင်း ထုတ်ပြောလာခဲ့သည်။ တရုတ် ကုမ္ပဏီ အများအပြားသည် ယခုအခါ ဆည်များ၊ သတ္တုတွင်းများ၊ ပိုက်လိုင်းကြီး တည်ဆောက်နေမှု အပါအဝင်စွမ်းအင်စီမံကိန်းများတွင် နိုင်ငံနှင့် အဝှမ်း ရင်းနှီးမြှပ်နှံမှု များ ပြုလုပ်လျှက် ရှိနေကြသည်။

ဂျင်က မြန်မာပြည် အပေါ် မူဝါဒ ပြန်လည်သုံးသပ်မည့် အကြံသည် ကောင်းသော်လည်း ဖြေးဖြေးဆေးဆေး လုပ်သွားမည်ကိုတော့ မလိုလားဟု ပြောလာသည်။ ကျမကို ထိထိရောက်ရောက် ဖြစ်အောင် တခုခုဖန်တီးရန် နှင့် သူတာဝန်ယူထားရသော ဆပ်ကော်မတီကလည်း အလားတူ လုပ်သွားမည်ဟု ကတိပေးခဲ့သည်။

ကျမ၏ မိတ် ဆွေ ဖြစ်သူ နယူးယောက်မှ အောက်လွှတ်တော် အမတ် ဂျိုး ကရိုလီထံမှလည်း သတင်းကြားခဲ့ရပြန်သည်။ သူသည် မြန်မာပြည်အား ဒဏ်ခတ်ပိတ်ဆို့ရန် အဓိက နေရာမှ ဦးဆောင်ခဲ့သူ ဖြစ်သည်။ ဂျိုးသည် နယူးယောက် ကွင်းအရပ်မှ ဖြစ်ပြီး စကားကို တဲ့တိုး ပြောတတ်သည့် လူဟောင်းကြီးတဦးလည်း ဖြစ်သည်။

ကျမ ဆီးနိတ်တွင် လုပ်ခဲ့စဉ်က နယူးယောက်ရှိ အခမ်းအနားများတွင် သူနှင့် မကြာခဏ ဆုံဖြစ်ခဲ့သည်။ အိုင်းရစ် သီချင်းသံစဉ်များနှင့်လည်း တွဲကဖြစ်ခဲ့သည်။ သူသည် ကွယ်လွန်သွားပြီ ဖြစ်သည့် အောက်လွှတ်တော် နိုင်ငံခြားရေးရာမှ ဆရာသမား ဖြစ်ခဲ့သူ တွန် လန်တို့စ်အား အားကျ အတုယူနေခဲ့သူ ဖြစ်သည်။ တွန်လန်တို့စ်သည် မြန်မာပြည် လူ့အခွင့်အရေးအတွက် ဦးဆောင်လှုပ်ရှားခဲ့သူလည်း ဖြစ်
သည်။ ဂျင် ၏ ထောက်ခံမှု နှင့် အကြံပေးမှုများသည် ကျမတို့ ရှေ့လျှောက်လုပ်သွားနိုင်ရန်လွန်စွာ အရေးပါသော အခန်းမှ ပါဝင်ခဲ့ပေသည်။

ဟီလာရီ ပြောသည့် ဒေါ်အောင်ဆန်းစုကြည်
(HARD CHOICE)

(၃)

၂၀၀၈ ဖေဖေါ်ဝါရီလတွင် အာရှသို့ နိုင်ငံခြားရေး ဝန်ကြီး အဖြစ် ပထမဆုံးအကြိမ် ရောက်လာခဲ့စဉ်တွင် ဒေသတွင်းရှိ ခေါင်းဆောင်များအား မြန်မာပြည်အပေါ် ဘယ်လို သဘောထားရှိလဲဆိုသည်ကို သိရအောင် တီးခေါက် ကြည့်ခဲ့သည်။

ထိုအထဲတွင် အင်ဒိုနီးရှား သမ္မတ ဆူစီလို ဘမ်ဘန် ရပ်ဟိုယိုနို ထံမှ အားတွက်ဖွယ် အကောင်းဆုံး စကားကို ကြားခဲ့ရသည်။ သူမအဆိုအရ မြန်မာဗိုလ်ချုပ်ကြီးများနှင့် ဆွေးနွေးခဲ့ရာ မှ တိုးတက်မှု များ ရရှိနိုင်ဖွယ်ရှိသည်ကို သဘောပေါက်လာခဲ့ကြောင်း

ကျမကို ပြောပြခဲ့သည်။ သူကိုယ်တိုင်ကလည်း ဗိုလ်ချုပ်ကြီးဘဝမှ ယူနီဖောင်းချွတ်ပြီး ရွေးကောက်ပွဲ ဝင်ခဲ့သူ ဖြစ်၍ သူ့စကား ကို ပေါ့ပေါ့တန်တန် သဘောထား၍ ကား မဖြစ်ပေ။

ထို့အပြင် စစ်အုပ်ချုပ်ရေး အဖွဲ့သည် အမေရိကန်ပြည် ထောင်စုနှင့် ဆွေးနွေးရန်ပင် ဆန္ဒရှိနေသည်ဟု ထပ်ပြောလာသည်။ မြန်မာပြည်၌ ကျမတို့ဖက်က သံအမတ် မရှိသည်မှာ နှစ်အတော်ကြာနေပြီလည်း ဖြစ်သည်။

သို့သော်ငြားလည်းအခါအားလျှော်စွာ ဆက်သွယ်၍ရသည့် လမ်းကြောင်းကတော့ ရှိနေဆဲ ဖြစ်သည်။ ယခုအခါ ပို၍ ဟက်ဟက်ပက်ပက် ဆွေးနွေးနိုင်မည့် အလားအလာကြောင့် စိတ်ဝင်စားဖို့ ကောင်းလာနေပြီ ဖြစ်သည်။

မတ်လထဲတွင်တော့ နိုင်ငံခြားရေးဝန်ကြီးဌာနမှ အရှေ့တောင်အာရှ ဒေသကြီး ဆိုင်ရာ ညွန်ကြား ရေးမှူးလည်းဖြစ် အထက်တန်း သံတမန်တဦးလည်း ဖြစ်သည့် စတီဖင် ဘလိတ်ကို မြန်မာသို့ စေလွှတ်ခဲ့သည်။ စစ်အုပ်ချုပ်ရေးအဖွဲ့က စိတ်ရင်းကောင်း ပြသသည့် အနေဖြင့် သူ့အားနိုင်ငံခြားရေးဝန်ကြီးနှင့် ရှားရှားပါးပါး တွေ့ခွင် ပေးခဲ့သည့်အတွက်

ဘလိတ်သည် ရန်ကုန်မှ နေပြည်တော်သို့ ရောက်လာခဲ့ရသည်။ နေပြည်တော်ဆိုသည်ကား ၂၀၀၅ ခုနှစ်တွင် တောကြီးမျက်မဲထဲတွင် တည်ဆောက်ပြီးစီးသွားခဲ့သော မြို့တော်အသစ်လည်း ဖြစ်သည်။

နိုင်ငံ အနှံအပြားတွင် ပျံ့နှံ့နေသော ကောလာဟလ များအရ နက္ခတ်ဗေဒ ပညာရှင်များ၏ အခါတော်ပေးမှု ဖြင့် နေရာရွေးချယ် တည်ဆောက်ခဲ့ခြင်း ဖြစ်သည်ဟု သိရပေသည်။ ဘလိတ်သည် သူ၏ ခရီးစဉ်အတွင်း အောင်ဆန်းစုကြည်နှင့် ကော၊ ဗိုလ်ချုပ်မှူးကြီးနှင့်ပါ တွေ့ခွင့်‌မရခဲ့ပေ။

ဘလိတ် ပြန်ရောက်လာသည့်အခါတွင်တော့ စစ်အုပ်ချုပ်ရေး အဖွဲ့က ဆွေးနွေးရန် အမှန်
တကယ် စိတ်ဝင်စားမှု ရှိနေကြောင်း အတည်ပြုခဲ့သည်။ ခေါင်းဆောင်ပိုင်းရှိ အချို့က တိုင်းပြည် သည် အပယ်ခံနေရသလို ဖြစ်နေမှုကို ကသိကအောက် ဖြစ်နေသည်ဟုလည်း ဘလိတ်က ပြောခဲ့သည်။ သို့သော်လည်း တိုးတက်မှု များ အချိန်အနည်းငယ်အတွင်း ဖြစ်လာလိမ့်မည်ကိုတော့ သံသယ ရှိနေသည်ဟု လည်း ပြောပြန်သည်။

ထို့နောက်တွင်တော့ နိုင်ငံတကာ ဆက်ဆံရေးကို ပြန်၍ ပုံဖေါ်နိုင်ရန် ကြိုးပမ်းနေစဉ်တွင် မည်သို့မျှ ဖြစ်လိမ့်မည်ဟု ထင်မထားသော ဖြစ်ရပ်ကြီး တခုပေါ်ပေါက်လာခဲ့ရသည်။ ဂျွန် ယက်တော အသက်အားဖြင့် ငါးဆယ့်သုံးနှစ်ရှိ မစ်ဆိုရီ ပြည်နယ်မှ ဗီယက်နမ် စစ်ပြန်တဦးသည် အောင်ဆန်းစုကြည်အား ထူးထူးခြားခြား စိတ်ဝင်စားလာခဲ့သည်။

ထို့အတွက် ၂၀၀၈ နိုဝင်ဘာလထဲတွင် ရန်ကုန်သို့ ရောက်ရှိလာပြီး သူမအိမ်ရှိရာသို့ အင်းလျားကန်ကို ကူးဖြတ်ကာ ၊ လုံခြုံရေးအစောင့်များကို ရှောင်ရှားကာ ခြံစည်းရိုးကိုခွကျော်တက်ပြီး အိမ်ထဲသို့ ရောက်ရှိလာခဲ့သည်။

မည်သူမျှမသိလိုက်ဘဲ အခုလို ကျူးကျော်ဝင်ရောက်လာခဲ့သည့် ယက်တောအား တွေ့လိုက် ရသဖြင့် အိမ်ဝန်ထမ်းများ အထိတ်တလန့် ဖြစ်ကုန်ကြသည်။ သူမ၏ အိမ်သို့ကြိုတင်ခွင့်ပြုချက် မရဘဲ မည်သို့မျှ ဝင်ရောက်ခွင့် မရသည့် အနေအထားတွင်

ယက်တော အခုလို ရောက်လာခြင်းသည် အားလုံးအတွက် အန္တရာယ် ဖြစ်လာနိုင်ပေသည်။ ထို့သို့သော အကြောင်းများကြောင့် ယက်တောသည် အောင်ဆန်းစုကြည်နှင့် တွေ့ခွင့်မရဘဲ လှည့်ပြန်ရန် စိတ်မပါ့တပါဖြင့် သဘောတူခဲ့ရသည်။

သို့သော် နောက်နှစ်နွေဦးတွင် ဂျွန်ယက်တော ပြန်ရောက်လာခဲ့ပြန်သည်။ ခန္ဓာကိုယ်က ပိန်ချုံးလာပြီး ယခင်ကထက် စာလျှင် ပေါင် ခုနှစ်ဆယ်ခန့် လျော့ကျသွားခဲ့သည်။ သူ၏ဇနီးဟောင်း ဖြစ်သူ၏ အပြောအရ ယခင်စိတ်ဒဏ်ရာဒဏ်ချက် ဟောင်းများ ပြန်ထလာပြီး စိတ်ဖိစီးမှုများကြောင့် စိတ်ကစင့်ကလျား ဖြစ်လာနေသည်ဟု သိခဲ့ရသည်။

ထိုအချိန်က ၂၀၀၉ ခုနှစ် မေလအတွင်း ဖြစ်ပြီး ယခုတကြိမ်လည်း အင်းလျားကန်ကို ဖြတ်ကူးလာခဲ့ပြန်သည်။ ဒီတခါတော့ ယခင်ကလို လှည့်ပြန်သွားရန် ငြင်းဆန်နေပြီး ပင်ပန်းနွမ်းနယ်ကာ ကျန်းမာရေးလည်း မကောင်းတော့ဟု ပြောလာခဲ့သည်။ အောင်ဆန်းစုကြည်က သူ့ကိုကြမ်းပြင်ပေါ်တွင် တညတာ လဲလျောင်းအနားယူခွင့် ပေးလိုက်သည်။

ထို့နောက်တွင်တော့ အာဏာပိုင်များကို ဆက်သွယ်၍ အကြောင်းကြားလိုက်တော့သည်။ ယက်တောအား မေလ ၆ ရက်နေ့ မနက် ၅:၃၀ တွင် အင်းလျားကန်ကို ဖြတ်ကူးပြီး ပြန်ရန် ကြံစည်နေချိန်တွင် ဖမ်းဆီးနိုင်လိုက်သည်။ (ပုံတွင်ရှု) အောင်ဆန်းစုကြည်နှင့် အိမ်ဝန်ထမ်းများကို အကျယ်ချုပ် စည်းမျဉ်းများကို ချိုးဖောက်မှု ဖြင့် နောက်အပတ်ထဲတွင် လာရောက် ခေါ်ဆောင်သွားကြသည်။

ယက်တောအား ပြစ်မှု ထင်ရှားသည်ဆိုကာ အလုပ်ကြမ်းနှင့် ထောင်ဒဏ် ခုနှစ်နှစ် ချမှတ်လိုက်သည်။ အောင်ဆန်းစုကြည်နှင့် အိမ်ဝန်ထမ်းများအား ထောင်ဒဏ် သုံးနှစ် အပြစ်ပေးခဲ့သည်။ သို့သော် ‌သန်းရွှေက ချက်ခြင်းပင် အပြစ်ဒဏ်ကို နောက်ထပ်အကျယ်ချုပ် ဆယ့်ရှစ်လ ကျခံစေကာ လျော့ပေါ့ပေးလိုက်သည်။

ဤသို့ဖြင့် သူမသည် ၎င်းတို့ ကတိပေးထားသော ၂၀၁၀ ရွေးကောက်ပွဲကာလအတွင်း အကျဉ်းစံဘဝ ဖြင့် ရှိနေဖို့ သေချာသွားအောင် ပြုလုပ်နိုင်ခဲ့ကြသည်။ “အားလုံးကဗျာ ဒီဘာမဟုတ်တဲ့ အမေရိကန် အရူးကောင်ကိုပဲ ဒေါသဖြစ်နေကြတယ်” ဟု သူမ၏ ရှေ့နေများထဲက တယောက်မှ သတင်းဌာနများကို ပြောပြခဲ့သည်။

ထိုသတင်းကို ကြားလျှင် ကြားချင်း ကျမလည်း အတော်ကို ဒေါသထွက်ခဲ့ရသည်။ အောင်ဆန်းစုကြည်နှင့် ကျမတို့ မျှော်လင့်ထားခဲ့ကြသည့် တိုးတက်မှုများ ဖြစ်လာမည့်အရေးသည် ယခုလို အမေရိကန် တယောက်၏ ဆုံးဖြတ်ချက် အလွဲလွဲ အချော်ချော် နှင့် ပရမ်းပတာ လုပ်ရပ်ကြောင့် တန်ဖိုးကြီးကြီး ပေးဆပ်ရမည့် အရေးကား မဖြစ်သင့်ပေ။

သို့သော် ယက်တော သည် အမေရိကန် နိုင်ငံသားတဦး ဖြစ်နေပြန်၍ ကျမတို့အဖို့ ကူညီရန် တာဝန်ရှိလာနေပြန်သည်။ ကျမလည်း မည်သို့မည်ပုံ လုပ်ရမည်ကို ဆီနိတ်တာ မက်ကွန်းနယ် နှင့် ဂျင် ဝက်ဘ်တို့အား ဖုန်းဆက်တိုင်ပင် လိုက်သည်။ ဂျင်က မြန်မာပြည်သို့ သူကိုယ်တိုင်သွားပြီး ယက်တော လွတ်အောင် ဆွေးနွေးမည်ဟု ကမ်းလှမ်းလာသည်။ ကျမလည်း ကြိုးစားကြည့်သင့်သည်ဟု ထင်မြင်မိသဖြင့် သဘောတူလိုက်သည်။

ဇွန်လ လယ်ထဲတွင် တော့ နောက်ထပ် ပြဿနာကြီး တခု တက်လာခဲ့ပြန်သည်။ ဤသည်ကား မြန်မာပြည်သို့ ဦးတည် ခုတ်မောင်းနေသော မြောက်ကိုရီယားမှ တန်ချိန် ၂,၀၀၀ အလေးချိန်ရှိ ကုန်တင်သင်္ဘောတစင်းကို ပင်လယ်ပြင်တွင် အမေရိကန် ရေတပ်စစ်သင်္ဘော က ခြေရာခံ မိသွားခဲ့သည်။

ထိုသင်္ဘောပေါ်တွင် ရောကက်လောင်ချာများနှင့် ဒုံးလက်နက် အစိတ်အပိုင်းများ သယ်ဆောင်လာနေသည်ဟု အမေရိကန် နှင့် တောင်ကိုရီးယားမှ သံသယ ရှိနေသည်။

ဤသည်သာ အမှန်ဟု ဆိုက မေလအတွင်း မြောက်ကိုရီယား၏ နျူကလီးယား စမ်းသပ်မှု ကို လက်တုန့်ပြန်သည့် အနေဖြင့် ကုလသမဂ္ဂလုံခြုံရေး ကောင်စီ မှ လက်နက် တင်သွင်းရောင်းချခွင့် ပိတ်ပင်လိုက်ခြင်းကို တိုက်ရိုက် ချိုးဖောက်လိုက်ခြင်းပင် ဖြစ်သည်။

ထိုအချိန်တွင် မြန်မာ နှင့် နျူကလီးယား နည်းပညာပိုင်းတွင် ကျွမ်းကျင်သည့် မြောက်ကိုရီးယား ကုမ္ပဏီအကြား ဆက်သွယ်မှုများ ရှိနေပြီး အင်ဂျင်နီယာ နှင့် သိပ္ပံပညာရှင်များလည်း ကူးလူးဆက်ဆံမှု ရှိနေသည် ဆိုသော သတင်းများလည်း ထွက်ပေါ်နေချိန် ဖြစ်သည်။

ပင်တဂွန်က ဖျက်သင်္ဘောတစီးကို စေလွှတ်လိုက်ပြီး နိုင်ငံတကာ ရေပိုင်နက်ပေါ်တွင် ခုတ်မောင်းနေသည့် မြောက်ကိုရီးယား ကုန်တင်သင်္ဘော နောက်သို့ လိုက်ရန် ညွှန်ကြားခဲ့သည်။ ကုလ ဆုံးဖြတ်ချက်အရ ကျမတို့မှတက်ရောက် ရှာဖွေပိုင်ခွင့် အာဏာ ရှိနေသော်လည်း ထိုသို့လုပ်ပါက မိမိတို့အား စစ်ကြေညာခြင်းဟု ယူဆမည်ဆိုကာ မြောက်ကိုရီးယားမှ ကြိမ်းဝါးလာသည်။

ထိုကိစ္စ အတွက် အကူအညီပေးပါရန် တရုတ် အပါအဝင် ဒေသတွင်းရှိ နိုင်ငံများကို ဆက်သွယ်ခဲ့သည်။ တရုတ် နိုင်ငံခြားရေးဝန်ကြီး ယန် မှ “ကုလဆုံးဖြတ်ချက်ကို တင်းတင်းကျပ်ကျပ် အကောင်အထည် ဖေါ်နိုင်ခြင်းသည်သာ မြောက်ကိုရီးယား တို့ နားလည်သွားစေမည့်မက်ဆေ့ခ်ျ လည်း ဖြစ်သည်” ဟု ပြောလာခဲ့သည်။ နောက်ဆုံးတွင်တော့ မြောက်ကိုရီယားတို့ အ‌လျော့ပေးသွားပြီး သင်္ဘောကို ပြန်လှည့်
သွားကြတော့သည်။

ဆီနိတ်တာ ဂျင်ဝက်ဘ်သည် ဩဂုတ်လထဲတွင် မြန်မာပြည်သို့ ရောက်ရှိသွားခဲ့သည်။ ဒီတကြိမ်တွင်တော့ သန်းရွှေမှ နေပြည်တော်တွင် သူ့အားလက်ခံတွေ့ဆုံရန် သဘောတူခဲ့သည်။ ဂျင် တွင် ပြောဆိုရမည့် ကိစ္စသုံးရပ်ပါရှိလာခဲ့သည်။

ပထမအကြောင်းက ဂျွန်ယက်တော အား လူသားချင်း စာနာထောက်ထားမှု ဖြင့် ပြည်တော်ပြန်ခွင့်ပြုရန်၊ ယက်တောသည် ယခုအခါ ရောဂါပေါင်းစုံ ဝင်လာနေပြီး အစာစားရန်ပင် ငြင်းဆိုနေပြီ ဖြစ်သည်။ ဒုတိယ တကြောင်းက အောင်ဆန်းစုကြည်နှင့် တွေ့ဆုံခွင့် ရရန် ပင် ဖြစ်သည်။

တတိယ အနေဖြင့် အောင်ဆန်းစုကြည်အား လက်ရှိ အကျယ်ချုပ် ချထားမှု မှ ပြန်လွှတ်ပေးပြီး နိုင်ငံရေး လုပ်ငန်းစဉ်များတွင် ပါဝင်ခွင့်ပြုရန်တို့ပင် ဖြစ်သည်။ သို့မှသာ လာမည့်ရွေးကောက်ပွဲကို အားလုံးက အလေးအနက်ရှုမြင်လာကြလိမ့်မည်ဟုလည်း ပြောခဲ့သည်။

သန်းရွှေက သူပြောသည်များကို ဂရုတစိုက်နားထောင်ပေးခဲ့သော်လည်း သူ၏ အတွေးကို မျက်နှာပေါ်တွင် ထင်ဟပ်ခြင်း မရှိစေရန် ဖုံးဖိထားနိုင်ခဲ့သည်။ နောက်ဆုံးတွင်တော့ ဂျင်၏တောင်းဆိုမှု များထဲမှ နှစ်ခုကို လိုက်လျောပေးခဲ့သည်။ ထို့အတွက် ဂျင် သည် ရန်ကုန်သို့ ပြန်သွားပြီး အောင်ဆန်းစုကြည်နှင့် တွေ့ဆုံခဲ့သည်။

ထို့နောက် ဂျွန် ယက်တောကို ခေါ်ကာ အမေရိကန် လေတပ် ‌လေယာဉ်တစီးဖြင့် ထိုင်းနိုင်ငံသို့ ထွက်ခွာလာခဲ့သည်။ ကျမနှင့် ဂျင် တို့ တယ်လီဖုန်း ဖြင့် စကားပြောဖြစ်ခဲ့ရာ သူ့အသံတွင် စိတ်လက်ပေါ့ပါးသွားသည့်ပုံကို ကျမ ရိပ်စားမိလိုက်သည်။ သို့သော်အောင်ဆန်းစုကြည်ကတော့ အကျဉ်းချ ခံနေရဆဲပင် ဖြစ်သည်။

နောက်လထဲတွင်တော့ မြန်မာပြည်အရေးအပေါ် ကျမတို့၏ မူဝါဒပိုင်းဆိုင်ရာ ပြန်လည်သုံးသပ်ခဲ့မှုကို ကုလသမဂ္ဂတွင် ထုတ်ဖေါ်ပြောကြားခဲ့သည်။ ကျမတို့၏ မူလရည်မှန်းချက်ကတော့ အပြောင်းအလဲ မရှိပေ။

ယုံကြည် ရလောက်သော ဒီမိုကရေစီ ပြုပြင်ပြောင်းလဲရေးများ ဖြစ်ပေါ်ရေး၊ အောင်ဆန်းစုကြည်အပါအဝင် နိုင်ငံရေး အကျဉ်းသားအားလုံးကို ချွင်းချက်မရှိ ချက်ခြင်း ပြန်လွှတ်ပေးရေး၊ တိုင်းရင်းသား လူနည်းစုများနှင့် အလေးအနက် တွေ့ဆုံ‌ ဆွေးနွေးရေးတို့ပင်ဖြစ်သည်။

“ထိတွေ့ဆက်ဆံမှု နှင့် ပိတ်ဆို့ဒဏ်ခတ်ခြင်းမှ ကြိုက်ရာရွေးဟူသော သဘောထားသည် ယှဉ်တွဲထားခြင်း မှားယွင်းသည်ဟု ကောက်ချက်ချခဲ့ကြသည်။ သို့သော် ရှေ့ကို ဆက်သွားဖို့ အရေးသည် ထိုလက်နက်နှစ်ခုစလုံးကို အသုံးချပြီး၊ မြန်မာ အရာရှိကြီးများ နှင့် တိုက်ရိုက်ထိတွေ့ပြီး၊ ရည်မှန်းချက် ပေါက်မြောက်အောင် ပြုလုပ်သွားတော့မည်ဖြစ်သည်။

ဆက်လက်တင်ပြပါမည်
Credit Hla Soewai

Leave a Reply

Your email address will not be published. Required fields are marked *