နတ်တွေခင်းထားတဲ့ နတ်လမ်းရှိတဲ့ ထူးဆန်းအံ့ဩဖွယ် ရေလယ်ဘုရား

နတ်တွေခင်းထားတဲ့ နတ်လမ်းရှိတဲ့ ထူးဆန်းအံ့ဩဖွယ် ရေလယ်ဘုရား

ကျိုက်နဲ ရေလယ်ဘုရား

နတ်တွေခင်းထားတဲ့ နတ်လမ်းရှိတဲ့ ထူးဆန်းအံ့ဩဖွယ် ရေလယ်ဘုရား။ (မျှဝေခြင်းပါ) ။

ဗုဒ္ဓဘာသာ ထွန်းကာတဲ့ မြန်မာပြည်မှာ ထူးခြားအံ့ဖွယ်ကောင်းတဲ့ စေတီပုထိုးတွေ အများကြီး ရှိတဲ့ အထဲမှာ ယနေ့မွန်ပြည်နယ် သံဖြူဇရပ်မြို့နယ် ဝဲကလောင်းရွာအနီးက ကျိုက်နဲရေလယ်ဘုရားကို ကံကောင်းစွာဖြင့် ဒကာဒကာမတွေ ပို့ပေးလို့ဖူးခွင့်ရခဲ့ပါပြီ။

ဒီကျိုက်နဲ ရေလယ်ဘုရားဟာ ဆိုလို့ရှိရင် ရေလယ်ဘုရားတွေအထဲမှာ တော်တော်ကြီး ဝေးတဲ့ပင်လယ် အနက်ထဲမှာ တည်ထားတဲ့ ဘုရားလို့ပြောရမှာ။ကျိုက်နဲရေလယ်ဘုရားကြီး ရဲ့ ထူးခြားအံ့ဖွယ်ကောင်းတာကတော့ ပင်လယ်ထဲ၌ ဘုရားရောက်သည်အထိ သူ့ဘာဝ အလိုလို ပေါ်ထွက်လာတဲ့ ကျောက်ချောခင်းထားတဲ့ နတ်လမ်းကြီးပဲဖြစ်ပါတယ်။

ဒီနတ်လမ်းကြီးဟာ လူတွေလုပ်ထားတယ် ထင်ရလောက်အောင် ကောင်းမွန်ပြီး တစ်နှစ်မှာ တစ်ကြိမ် တစ်ကြိမ်မှာ တစ်မနက်သာ ပွဲတော်ရှိခိုက် သူ့အလို လို ပေါ် ထွက်လာတာပါပဲ။

နှစ်စဉ် နှစ်တိုင်း တန်ဆောင်မုန်း လပြည့်ကျော် ၂ ရက်ည ၃ ရက်နေ့ မနက်ပိုင်း တစ်ကြိမ်သာ ဒီ ကျောက်ချောခင်းထားတဲ့ နတ်လမ်းမကြီး ပေါ်ထွက်ပြီး အခြားနေ့တွေမှာ ဒီလမ်းမကြီး ပင်လယ်ရေတွေ ဖုံးပြီး ပျောက်ကွယ်နေပါတယ်။ နတ်လမ်း ကြီးရဲ့ အရှည်ကတော့ ဘုရားရောက်စေအထိ ၁ မိုင်နဲ့ ၆ ဖာလုံ ရှိပါတယ်။

ဦးဇင်းတို့ ဘုရားကို သွားတော့ အသွားတုန်းက ပင်လယ်ရေက ကျ တုန်း ကျ ဆဲဖြစ်တာရယ် ရေစီး ကြမ်းတာရယ် ကြောင့် ခက်ခက်ခဲခဲကူးပြီး သွားခဲ့ ရပေမယ့် ဘုရားက ပြန်တော့ အလာတုန်းက ရင်ဘတ်လောက် ခါးလောက် ကူးခဲ့ ရတဲ့ နတ်လမ်းမကြီးက ခမ်းခြောက်နေပြီး ကျောက်သားလမ်းအတိ ဖြစ်နေတာတွေ့ ရပါတယ်။

ဒီလို့ ထူးခြား အံ့ဖွယ်ကောင်းတဲ့ ကျိုက်နဲ ရေလယ် ဘုရားကို ဖူးးခွင့်ရလို့ ဝမ်းသာကြည်နူးမိပါတယ်။နတ်လမ်းစပေါ်ချိန် မှာ နံနက် ၅ နာရီ ၅ နာရီခွဲ မှစတင်ကာ နံနက်ပိုင်း ၁၀ နာရီ ၁၀ နာရီဝန်းကျင် အထိသာဖြစ်ပါတယ်။ နတ်လမ်း အစ အဆုံး ရေပေါ်ပေမဲ့ ကြာမြင့်ချိန်က ၂ နာရီ ဝန်းကျင်ခန့်သာ ကြာပါတယ်။ လိုက်ပို့ပေးသော ဒကာ ဒကာမ များကို အထူးပဲကျေးဇူးတင်ပါသည်။

ကမ္ဘာမှာ ကိုရီးယား နဲ့ မြန်မာနိုင်ငံမှာသာရှိတဲ့ တစ်နှစ်မှာ တစ်ရက်သာပေါ်လာတဲ့ နတ်တွေခင်းတဲ့လမ်း။ဒီလမ်းကို ဒီလိုသွားခဲ့ကြတာ ဒီလမ်းလေးက တစ်နှစ်မှာ တစ်ရက် ၊ တစ်ရက်မှာ တစ်ကြိမ် ၊ တစ်ကြိမ်မှာ လေးနာရီလောက်သာ ပေါ်သောလမ်း ။ ဒေသခံတွေရဲ့ ပြောကြားချက်အရ – ဒီလမ်းဟာ နတ်တွေခင်းတဲ့လမ်း ဟုလည်း သိခဲ့ရ ၊ ကမ္ဘာမှာ ကိုရီးယားနှင့် မြန်မာနိုင်ငံမှာသာရှိသော လမ်း ။

နှစ်စဉ် တန်ဆောင်မုန်းလပြည့်ကျော် (၃)ရက်မှာ လမ်းအပြည့်ပေါ်လာသောလမ်း ။ ကမ္ဘာမှာ ကိုရီးယားနှင့် မြန်မာနှစ်နိုင်ငံသာ ရှိသောပင်လယ်တွင်းလမ်း ။ (ကိုရီးယားမှာလည်း တစ်ရက်သာပေါ်သည် ။ သို့သော် . . . ပေါ်သည့်ရက်ချင်း မတူပါ ။ )စာရေးသူတို့ ဒီလမ်းကိုလျှောက်ရဖို့အတွက် တန်ဆောင်မုန်းလပြည့်ကျော် (၂)ရက်နေ့ ည (၁ဝ:ဝဝ) နာရီအချိန်တွင် မော်လမြိုင်မှထွက်ခဲ့ပြီး ဒီလမ်းတည်ရှိရာ ပင်လယ်ကမ်းခြေသို့ တန်ဆောင်မုန်းလပြည့်ကျော် (၃)ရက်နေ့မနက် (၁၂:၂ဝ) အချိန်ဝန်းကျင်ခန့် ရောက်ရှိခဲ့ပါသည် ။

(၂)ရက်နေ့ည တစ်ညလုံး မအိပ်ဘဲ ကမ်းခြေတွင်လမ်းလျှောက် , ထိုင်နားကာ ဒီရေအကျကို တစ်ညလုံးစောင့်လို့ (၃)ရက်နေ့ မနက် (၄:ဝဝ) အချိန်တွင် ဒီရေ စ ကျပါသည် ။ ထိုအချိန်မှစ၍ အနယ်နယ်အရပ်ရပ်မှ ဘုရားဖူးရောက်လာကြကုန်သော တစ်သိန်းကျော်သော ဘုရားဖူးတို့သည် နတ်တို့ခင်းထားသည်ဆိုသော ထိုလမ်းကိုစ၍ ကူးကြပါသည် ။လမ်းအားလုံးပေါ်ချိန်ကတော့ နံနက် (၆:ဝဝ)နာရီ ဝန်းကျင်ဖြစ်ပြီး ထိုအချိန်မှာ လမ်းအလုံးစုံ ပေါ်ပါသည် ။

ထူးခြားချက်မှာ – ထိုလမ်းသည် ကွန်ကရစ်ခင်းထားခြင်းမျိုးလည်းမဟုတ်၊ တံတားထိုးထားခြင်းလည်း မဟုတ် ၊ ပင်လယ်ကမ်းခြေမှ (၃)ဖာလုံခန့် ဝေးသောနေရာမှစ၍ စေတီတည်ရှိရာကျွန်းအထိ အလုံးစုံ ကျောက်စရစ်ခဲ အရွယ်စုံတို့ဖြင့်ခင်းထားခြင်းဖြစ်ပြီး ဒီရေ အတက်အကျဖြစ်တိုင်း ထိုကျောက်စရစ်ခဲများမှာ ပင်လယ်ကြမ်းပြင်သို့ မျောပါသွားခြင်းမရှိဘဲ ကမ်းခြေနှင့် သုံးဖာလုံခန့်အကွာအဝေးမှ စ၍ ရေလယ်ကျွန်း ဘုရားရှိရာထိတည်ရှိနေခြင်းပင်ဖြစ်ပါသည် ။

နေ့စဉ် , လစဉ် , ရက်စဉ် ဒီရေအတက်အကျရှိသော်လည်း ထိုလမ်းသည် ယခုကဲ့သို့ မပေါ်ပါ ။ နှစ်စဉ် တန်ဆောင်မုန်းလပြည့်ကျော် (၃)ရက်နေ့မှသာ တစ်လမ်းလုံး အပြည့်ပေါ်လာခြင်းပင်ဖြစ်ပါသည် ။ ပေါ်သည့်အချိန်မှာလည်း လေးနာရီခန့်သာ ဖြစ်ပြီးထိုနေ့ (တန်ဆောင်မုန်းလပြည့်ကျော် (၃)ရက်) နေ့တစ်နေ့သာ ပေါ်ခြင်းဖြစ်ပါသည် ။

ထိုနေ့တွင် မြန်မာနိုင်ငံ အနှံ့အပြားမှ ဘုရားဖူးများ , လာရောက်လေ့လာသူ သုတေသီများ တစ်သိန်းခွဲကျော်ခန့်ဖြင့် အလွန်ပင်စည်းကားလှပါသည်။ လမ်းညွှန်း = မော်လမြိုင်မှ သံဖြူဇရပ်သို့ မော်လမြိုင် <> ကျိုက္ခမီလမ်းမကြီးအတိုင်း ကားစီးပြီး သံဖြူဇရပ်ရောက်သည့်အခါ မြို့လယ်အဝိုင်းကိုပတ်၍ ကမ္ဘာကျော် သမိုင်းဝင် သေမင်းတမန် မီးရထားလမ်း လမ်းခွဲရောက်သည့်အခါ ‘ ပငကျေးရွာ ‘ ဘက်သို့ ချိုးကွေ့ဝင်သွားရပြီး ‘ ပငကျေးရွာ ‘ လွန်လျှင် ‘ ကရုပ္ပိ စံပြကျေးရွာ ‘ သို့ ရောက်ရှိပါမည်။

ထို ‘ ကရုပ္ပိ စံပြကျေးရွာ ‘ ရွာလမ်းအတိုင်း ဝင်ပြီး ထိုရွာမှထွက်လျှင် ဆားလုပ်ငန်း (ဆားကွင်း) များ တွေ့ရှိရမည် ဖြစ်ပါသည် ။ ထို (ဆားကွင်း) များကို အနည်းငယ်ကျော်ဖြတ်ပြီးလျှင် ပင်လယ်ကမ်းခြေသို့ ရောက်ရှိပါမည် ။ ကမ်းခြေသို့ ရောက်သည့်အခါ ဒီရေအကျကို စောင့်ဆိုင်းပြီး ကားများကို ကမ်းခြေမှာ ခေတ္တ ရပ်နားထားရမှာဖြစ်ပါတယ် ။

လမ်းလျှောက်လိုပါကလည်း ကားရပ်နားထားရာမှ လမ်းပေါ်ရာနေရာသို့ ကမ်းခြေအစပ်အတိုင်း (၃)မိုင်ကျော်ခန့် လမ်းလျှောက်ရမှာ ဖြစ်ပါတယ် ။ လမ်းပေါ်လာချိန်မှာ ထိုကျောက်စရစ်ခဲလမ်းပေါ်ရာ အစမှ ရေလယ်ဘုရားရောက်သည်အထိ (၃) မိုင်ခွဲခန့် လမ်းလျှောက်ရမှာဖြစ်ပြီး နံနက် (၁ဝ:ဝဝ)နာရီအချိန်တွင် ဒီရေပြန်တက်သည့်အတွက် ရေလည်ဘုရားမှ ဘုရားအားဖူးမြော်ပြီး (၁ဝ:ဝဝ) နာရီမထိုးခင် ကမ်းခြေအရောက်ပြန်ရမှာ ဖြစ်ပါတယ် ။

ကျောက်စရစ်ခဲများအရွယ်စုံဖြင့် ခင်းထားသော ဤနတ်လမ်းတည်ရှိရာသည် မွန်ပြည်နယ် ၊ သံဖြူဇရပ်မြို့နယ်ဝဲကလောင်ကျေးရွာနှင့် အံခဲကျေးရွာတို့၏ အလယ်တွင် တည်ရှိပါသည် ။မေတ္တာဖြင့် = ဟံသာသူရ { ရတုနွယ် } }

Leave a Reply

Your email address will not be published. Required fields are marked *